Farmers Aid Maharashtra Flood Relief 2025: महाराष्ट्रातील शेतकऱ्यांसाठी मोठी आनंदाची बातमी आहे. राज्य सरकारने २० जिल्ह्यांतील शेतकऱ्यांना नुकसानभरपाई म्हणून ₹२५,५०० पर्यंत मदत देण्याचा निर्णय घेतला आहे. जून ते सप्टेंबर २०२४ या कालावधीत झालेल्या अतिवृष्टी आणि पुरामुळे अनेक शेतकऱ्यांचे मोठे नुकसान झाले. त्यामुळे राज्य सरकारने २५ फेब्रुवारी २०२५ रोजी अधिकृत आदेश जारी करून ही मदत मंजूर केली आहे.
शेतकऱ्यांना थेट बँक खात्यात मदत मिळणार
राज्य सरकारने ₹२९ कोटी २५ लाख ६१ हजार रुपयांचा निधी मंजूर केला आहे. या योजनेतून २३,०६५ शेतकऱ्यांना थेट आर्थिक मदत मिळणार आहे. पुढील ५-६ दिवसांत ही रक्कम थेट शेतकऱ्यांच्या बँक खात्यात जमा केली जाणार आहे.
शेतकऱ्यांना काही करावे लागेल का?
- कोणताही अर्ज करण्याची गरज नाही.
- सरकार अधिकृत वेबसाइटवर पात्र शेतकऱ्यांची यादी जाहीर करेल.
- शेतकऱ्यांनी खात्यात पैसे जमा झाले की नाही, हे तपासावे.
- काही अडचण आल्यास जवळच्या तहसील कार्यालयात संपर्क करावा.
बँकांना सरकारच्या स्पष्ट सूचना
शासनाने सर्व बँकांना स्पष्ट सूचना दिल्या आहेत की ही मदत कर्जाच्या वसुलीसाठी वापरता येणार नाही. त्यामुळे शेतकऱ्यांना पूर्ण रक्कम मिळणार आहे.
Farmers Aid Maharashtra Flood Relief 2025 ही जिल्हे लाभार्थी
हिंगोली (५,११४ शेतकरी), चंद्रपूर (५,३०९), बुलढाणा (३,२७६), नांदेड (१,८८७), परभणी (१,६०७) यासह २० जिल्ह्यांतील शेतकऱ्यांना ही मदत मिळणार आहे.
शेतकऱ्यांसाठी दिलासा, पण पुढील उपाययोजना गरजेच्या!
ही मदत अतिवृष्टीमुळे नुकसान झालेल्या शेतकऱ्यांसाठी मोठा दिलासा ठरेल. पण यासोबतच शासनाने पूरनियंत्रणासाठी उपाययोजना करणे गरजेचे आहे. शेतकऱ्यांनीही शेतीसाठी नवीन तंत्रज्ञान आणि विविध पीक पद्धती अवलंबण्याचा विचार करायला हवा.
शेतकऱ्यांनो, मदतीची रक्कम लवकरच तुमच्या खात्यात जमा होईल. ती वेळेवर तपासा आणि काही अडचण आल्यास लगेच तहसील कार्यालयात संपर्क साधा!
Ladki Bahin April Installment: लाडक्या बहिणींना फक्त 500 रुपये! सरकारचा मोठा निर्णय