Vitthal Rukhmabai Warkari Yojana: पंढरपूर वारी म्हणजे महाराष्ट्रातील भक्तीमय परंपरेचा आत्मा! लाखो वारकरी दरवर्षी विठ्ठलाचं दर्शन घेण्यासाठी पायी वारी करतात. या वारीदरम्यान जर काही अपघात, दुखापत किंवा मृत्यू झाला, तर वारकऱ्यांना आणि त्यांच्या कुटुंबाला मदतीचा हात मिळावा, म्हणून महाराष्ट्र शासनाने “विठ्ठल रुखमाई वारकरी योजना” सुरू केली आहे.
विठ्ठल रुखमाई वारकरी योजना म्हणजे काय?
या योजनेअंतर्गत, 16 जून ते 10 जुलै 2025 या कालावधीत पंढरपूर वारीसाठी येणाऱ्या प्रत्येक वारकऱ्याला विमा कवच दिलं जात आहे. यामध्ये मृत्यू, अपघात, अपंगत्व किंवा हॉस्पिटलमध्ये दाखल होण्याच्या परिस्थितीत सरकारकडून आर्थिक मदत मिळणार आहे.
राज्य सरकारने या योजनेसंदर्भात जीआर (शासन निर्णय) देखील जाहीर केला असून, ही योजना फक्त वारीच्या कालावधीसाठी लागू राहील.
वारकऱ्यांना मिळणारी आर्थिक मदत (Varkari Yojana Benefits):
1. दुर्घटनेत मृत्यू झाल्यास
- मृत वारकऱ्याच्या कुटुंबाला मिळणार ₹4 लाखांची आर्थिक मदत.
2. अपंगत्व आल्यास
- 40% ते 60% अपंगत्व – ₹74,000
- 60% पेक्षा अधिक अपंगत्व – ₹2.5 लाख
3. हॉस्पिटलमध्ये दाखल झाल्यास
- 1 आठवड्यापेक्षा जास्त कालावधीसाठी: ₹16,000
- 1 आठवड्यापेक्षा कमी कालावधीसाठी: ₹5,400
कोण पात्र आहे? (Vitthal Rukhmai Yojana Eligibility)
- पंढरपूर वारीसाठी पायी, खाजगी वाहन किंवा एसटी बसने जाणारे सर्व वारकरी पात्र आहेत.
- फक्त भक्तिभाव पुरेसा नाही, तर तहसीलदाराचे प्रमाणपत्र सादर करणं आवश्यक आहे, ज्याद्वारे सिद्ध होतं की तुम्ही वारीसाठी पंढरपूरला गेला होता.
आवश्यक कागदपत्रे (Required Documents)
- तहसीलदारांकडून मिळालेलं वारीसाठी गेल्याचं प्रमाणपत्र
- मृत्यू प्रमाणपत्र (जर मृत्यू झाला असेल)
- दवाखान्यात दाखल असल्याचं प्रमाणपत्र
- आधार कार्ड, बँक तपशील
अर्ज कुठे करावा? (Vitthal Rukhmai Warkari Yojana Apply)
- संबंधित जिल्हाधिकाऱ्यांच्या कार्यालयात अर्ज सादर करावा लागेल.
- सर्व आवश्यक कागदपत्रे जोडून विमा दावा (Insurance Claim) सादर करावा लागतो.
- एकदा तपासणी पूर्ण झाल्यानंतर, सरकारकडून थेट आर्थिक मदत दिली जाईल.
विठ्ठल रुखमाई वारकरी योजना 2025 ही सरकारची एक सुंदर आणि संवेदनशील योजना आहे, जी वारकऱ्यांच्या सुरक्षिततेसाठी अत्यंत महत्त्वाची आहे. भक्तीचा मार्ग अवघड असला तरी सरकारने त्यात सुरक्षिततेचं कवच दिलं आहे. जर तुम्ही यावर्षी वारीला जात असाल, तर ही योजना आणि तिचे फायदे नक्की लक्षात ठेवा.
Pokara Yojana 2025: पोकरा योजनेत तुमचं गाव आहे का? मोबाईलवर लगेच यादी चेक करा!
