Mazi Ladki Bahin Yojana Update: माझी लाडकी बहीण योजना महाराष्ट्र सरकारने सुरू केलेली एक महत्वाची योजना आहे. या योजनेअंतर्गत गरजू महिलांना दरमहा 3000 रुपये दिले जातात. मात्र फेब्रुवारी 2025 चा आठवा हप्ता अनेक महिलांच्या बँक खात्यात जमा झालेला नाही. यामुळे सुमारे ३५ लाख लाभार्थींमध्ये चिंता आणि संभ्रम निर्माण झाला आहे.
हप्ता का मिळाला नाही? कारणं काय?
महिला आणि बाल विकास विभागाने स्पष्ट केलं आहे की, हप्ता देण्यासाठीचा निधी मिळालेला होता. पण तांत्रिक अडचणीमुळे हप्ता वेळेवर जमा झाला नाही. ७ मार्चपासून हप्ता देण्याची प्रक्रिया सुरू झाली आहे, पण अजूनही अनेक महिलांचे पैसे आलेले नाहीत.
सरकार काय म्हणतंय?
विभागाच्या अधिकाऱ्यांनी सांगितलं की, “तांत्रिक त्रुटी दूर केल्या असून आता प्रक्रिया सुरळीत सुरू आहे. आम्ही सर्व पात्र महिलांना लवकरात लवकर हप्ता देणार आहोत.”
पात्र महिलांनाच मिळणार हप्ता
सरकारने योजनेत पारदर्शकता आणण्यासाठी कठोर पावले उचलली आहेत. त्यामुळे ज्या महिला अटी पूर्ण करत नाहीत, त्यांना हप्ता मिळणार नाही.
कोण होणार अपात्र? (अपात्रतेची कारणं)
‘माझी लाडकी बहीण योजना अपात्र महिला’ या यादीत खालील प्रकारच्या महिला येतात:
- उच्च उत्पन्न गटातील महिला – ज्यांचे कुटुंब वार्षिक उत्पन्न 2.5 लाखांपेक्षा जास्त आहे.
- चारचाकी वाहनधारक – ज्यांच्या घरात कार, जीप आहे (ट्रॅक्टर वगळता).
- महाराष्ट्र बाहेरील महिला – राज्याचा अधिवास नसलेल्यांना लाभ नाही.
- बँक खाते आधार लिंक नसलेल्यांना हप्ता नाही.
- इतर सरकारी योजनांचा लाभ घेणाऱ्या महिला – एका पेक्षा जास्त योजना चालणार नाहीत.
१५ लाख महिलांचे बँक खाते चुकीचे!
सरकारच्या तपासणीत असेही समोर आलं की, १५ ते १६ लाख महिलांची बँक डिटेल्स चुकीच्या आहेत – जसं की बंद खातं, चुकीचा खाते क्रमांक किंवा आधार लिंक नसणे. त्यामुळे हप्ता थांबवण्यात आला आहे.
ई-केवायसी आवश्यक का?
योजनेची पारदर्शकता टिकवण्यासाठी, सरकारने ई-केवायसी अनिवार्य केली आहे. दरवर्षी जूनमध्ये बँकेत जाऊन केवायसी करणे आवश्यक आहे. यामुळेच फसवणूक करणाऱ्या महिलांना वगळता येईल आणि खर्‍या गरजू महिलांना हक्काचा लाभ मिळेल.
लाभार्थी महिलांचे विचार
अनेक महिलांनी आपली व्यथा व्यक्त केली आहे:
“मला सात महिन्यांपासून पैसे मिळत होते. पण आता अचानक पैसे बंद झाले. मी पात्र आहे की नाही हेच समजत नाही.”
“या पैशांवर माझं घर चालतं. फेब्रुवारीपासून पैसे न मिळाल्यामुळे खूप अडचणीत आलेय.”
सरकारकडून आश्वासन
महिला आणि बाल विकास विभागाने सांगितले आहे की, “आम्ही सर्व पात्र महिलांना लवकरात लवकर हप्ता देण्याचा प्रयत्न करतोय. ज्या महिलांना शंका आहेत, त्यांनी आपले बँक डिटेल्स, आधार लिंक आणि ई-केवायसी अपडेट करून घ्यावं.”
