Girls Education Scheme Maharashtra 2025: राज्य शासनाने घेतलेला हा निर्णय हजारो मुलींच्या शिक्षणातील अडथळा दूर करून त्यांच्या भविष्यासाठी नवे दार उघडणारा ठरणार आहे. आता महाराष्ट्रातील काही विशिष्ट गटांतील मुलींना व्यावसायिक अभ्यासक्रमासाठी शिक्षण पूर्णतः मोफत (Free Professional Education for Girls in Maharashtra) मिळणार आहे.
कोणत्या मुलींना मिळणार फ्री एज्युकेशनचा फायदा?
राज्य शासनाच्या ५ जुलै २०२४ रोजीच्या मंत्रिमंडळ बैठकीत हा निर्णय घेण्यात आला. आता EWS (आर्थिक दुर्बल घटक), SEBC (सामाजिक आणि शैक्षणिकदृष्ट्या मागासवर्ग) व OBC (इतर मागासवर्गीय) गटातील मुलींना याचा थेट फायदा होणार आहे.
पूर्वी मिळणारी ५०% फी सवलत आता १००% फी माफीमध्ये रूपांतरित करण्यात आली आहे. हा निर्णय शैक्षणिक वर्ष २०२४-२५ पासून लागू झाला आहे.
या योजनेचा मुख्य उद्देश काय आहे?
सध्या व्यावसायिक अभ्यासक्रमात शिक्षण घेणाऱ्या मुलींचे प्रमाण राज्यात केवळ ३६% आहे. हे प्रमाण वाढवण्यासाठी, महिलांना शिक्षणाच्या माध्यमातून सक्षम करण्यासाठी आणि आर्थिक अडचणीमुळे शिक्षण थांबू नये यासाठीच Girls Free Education Scheme Maharashtra अंतर्गत हा क्रांतिकारी निर्णय घेण्यात आला आहे.
या योजनेची पात्रता आणि अटी:
- पालकांचे एकत्रित वार्षिक उत्पन्न ८ लाखांपेक्षा कमी असावे.
- विद्यार्थिनीने शासकीय मान्यताप्राप्त कॉलेजमध्ये CAP (Centralized Admission Process) द्वारे प्रवेश घेतलेला असावा.
- नवीन प्रवेश घेणाऱ्या व आधीच प्रवेश घेतलेल्या (नूतनीकरण केलेल्या) मुलींना याचा लाभ मिळणार.
- अनाथ व संस्थाबाह्य मुलींनाही ही योजना लागू आहे.
- व्यवस्थापन कोटा किंवा संस्थास्तरावरील प्रवेश घेणाऱ्या विद्यार्थिनींसाठी ही सवलत लागू होणार नाही.
- उत्पन्नाचा दाखला पहिल्या वर्षी एकदाच सादर करावा लागेल.
कोणत्या महाविद्यालयांमध्ये ही योजना लागू आहे?
- राज्य सरकारची शासकीय, अनुदानित व अंशतः अनुदानित महाविद्यालये
- सरकारी व सार्वजनिक अभिमत विद्यापीठे
- वैद्यकीय, कृषी, पशुसंवर्धन, मत्स्यव्यवसाय क्षेत्रातील संबंधित महाविद्यालये
(खाजगी व स्वयं-अर्थसहाय्यित विद्यापीठांना ही योजना लागू नाही)
सरकारचा निधी आणि अंमलबजावणी
या योजनेच्या अंमलबजावणीसाठी महाराष्ट्र सरकारने ₹906.05 कोटींचा निधी मंजूर केला आहे. योजना विविध विभागांमार्फत जसे की उच्च व तंत्रशिक्षण, वैद्यकीय शिक्षण, कृषी विभाग इत्यादी मार्फत अंमलात आणली जाणार आहे.
मुलगी शिकली तर प्रगती झाली या उक्तीला सार्थ ठरवत, शासनाने घेतलेला Girls Education Free Scheme Maharashtra 2025 चा निर्णय हा स्तुत्य आहे. त्यामुळे आता राज्यातील हजारो मुलींना आर्थिक अडचणींशिवाय व्यावसायिक शिक्षणाची संधी मिळणार असून, त्यांच्या उज्ज्वल भविष्यासाठी ही योजना मोलाची ठरणार आहे.
योजना अधिकृत GR नुसार आहे. अधिक माहितीसाठी कृपया महाराष्ट्र शासनाचे www.maharashtra.gov.in संकेतस्थळ पहा.
