Nuksan Bharpaai Yadi 2024: नमस्कार शेतकरी मित्रांनो, 2024 च्या खरीप हंगामातील अतिवृष्टीच्या नुकसान भरपाईसंबंधी एक महत्त्वाचं अपडेट आहे. निवडणुकीच्या आचारसंहितेमुळे नुकसान भरपाईचे वितरण आणि इतर प्रक्रियांचा मार्ग थांबला होता. आता निवडणुकीचा कार्यक्रम पूर्ण झाला आहे आणि आचारसंहिता देखील संपली आहे, त्यामुळे मदतीच्या नुकसान भरपाईच्या प्रक्रियांना पुन्हा सुरुवात झाली आहे.
यापूर्वी, जून, जुलै आणि ऑगस्ट महिन्यांमध्ये राज्यातील काही भागांमध्ये अतिवृष्टी झाली होती. त्यासाठी शासनाने नुकसान भरपाई मंजूर केली होती आणि त्यासंबंधीचे प्रस्तावही स्वीकारले होते. त्यानंतर ऑगस्टच्या शेवटच्या आठवड्यात आणि सप्टेंबरच्या पहिल्या आठवड्यातही राज्याच्या विविध भागांमध्ये मोठ्या प्रमाणावर अतिवृष्टी झाली. त्यात सात जिल्ह्यांमध्ये शासनाने नुकसान भरपाई मंजूर केली आहे. यामध्ये काही जिल्ह्यांना मोठ्या प्रमाणात नुकसान झाले होते, त्यासाठी जास्त नुकसान भरपाई मंजूर केली गेली आहे.
Nuksan Bharpaai Yadi 2024
परभणी आणि लातूर जिल्ह्यांसाठी मोठ्या प्रमाणात नुकसान भरपाई मंजूर करण्यात आली होती. परभणीसाठी अंदाजे 540 कोटी रुपये आणि लातूरसाठी साडेतीन कोटी रुपये मंजूर झाले होते. या जिल्ह्यांसाठी जीआर निर्गमित करण्यात आले होते, आणि त्या जिल्ह्यांतील शेतकऱ्यांची यादी प्रकाशित केली जात होती. शेतकऱ्यांच्या केवायसी प्रक्रियेस सुरुवात केली गेली आहे, काही शेतकऱ्यांचे निवडणुकीपूर्वी केवायसी पूर्ण झाले होते, आणि बाकी शेतकऱ्यांचे केवायसी आता मोबाइलवर केवायसी द्वारे करण्याची प्रक्रिया सुरू करण्यात आली आहे.
ज्या जिल्ह्यांना नुकसान भरपाई मंजूर झाली आहे, त्यांची माहिती पूर्वीच दिली गेली होती. त्याचबरोबर सप्टेंबर महिन्यात ज्या जिल्ह्यांमध्ये अतिवृष्टी झाली, त्यांचे नुकसान भरपाईसाठी प्रस्ताव शासनाला पाठवले होते. हिंगोली, धाराशिव, सोलापूर यांसारख्या जिल्ह्यांच्या प्रस्तावांना सरकारच्या माध्यमातून मंजूरी मिळाली होती, पण निवडणुकीच्या आचारसंहितेमुळे नुकसान भरपाईचे वाटप थांबले होते. आता या सर्व प्रस्तावांना मंजूरी देऊन नुकसान भरपाईचे वितरण सुरू करण्यात येईल. हे सर्व प्रस्ताव मंत्रिमंडळाच्या मंजुरीनंतर पुढे जातील आणि आम्ही त्याबद्दलचे अपडेट्स तुम्हाला वेळोवेळी देत राहू.
अधिक वाचा: NPS Vatsalya Yojana: NPS वत्सल्या योजना लाभ, पात्रता आणि अर्ज प्रक्रिया जाणून घ्या एका क्लिकवर!
